کانی

1. چاوکە، چاڤکانی، چەشمە، سەرچاوەی ئاو؛ 2. لە وشەی (کان)ەوە هاتووە کە واتای چاوگە و سەرچاوە و (معدن) دەدا.

یانان

دیوەخان و جێگای پشوودانی گشتی.

بژوێن

زەمەند، زەوی پڕگیا و لەوەڕ.

زەڕیلە

باڵندەیەکی گچکەی رەنگزەردە.

کاریس

کارس، کارۆش، جۆرێک گیایە.

سڵان

سڵا،، کێوان، بەرزایییەکان.

ڕامیس

ماچ، ڕامووسان.

فراوین

فراڤین، ژەمی نیوەڕۆ.

ڕازیانە

1. گیایەکە بۆ دەرمان؛ لە کوردەواریدا دەڵێن: رازیانە بۆ دڵێشە باشە. دڵێشە مەبەست لە ئاشک، گەدە (میعدە) یە. دەستەواژەیەک هەیە دەڵێ: (پڕ ماڵیان بوو لە رازیانە کەچی خوەی بە دڵێشە مرد)؛ 2. سەربەندی گۆرانییەکی کوردییە.

ئاوێژ

هاوێژ، پاشگری بەواتا فڕێدەر. (چەکهاوێژ، نوورهاوێژ)