باشوو

واشە، باشە، باشووک، مەلێکی راوکەرە، بەفارسیی پێیدەگوترێ: (بەحریی) و 38 تا 48 سانتیمیترە و زستانان لە کوردستان زۆرە.

پەرجوو

پەرجۆ، مۆجزات، کەرامات.

سەمەر

سەمەرە، بەری دار.

دەسامۆ

جۆرێک شه‌مامه‌ی خاڵخاڵ و بچووکه‌.

پالمە

پاڵمە، جۆرێک گیایە لە شکڵی شنگ، بەڵام گەڵاپان.

سالینا

1. جێگای خۆش و راسا؛ 2. نێوی گوندێکە لە ناوچەی حەکاریی، لە باکووری کوردستان.

سەرمەزد

سەردەستەی یاریکەران.

خەمیس

گوێز و مێوژی کوتراو پێکه‌وه‌.

بەفراو

وەفر، ئاوی بەفر کە بەهاران بە شەتاواندا دێتە خوارەوە.

جووانە

1. شه‌نگوشۆخ، به‌ده‌و؛ 2. لاو، تازه‌پێگه‌ییشتوو؛ 3. په‌سن، ده‌ڵال، نازدار؛ 4. سه‌ربه‌ندی گۆرانییه‌کی کوردییه‌.