تەلێ

زێڕ، تەڵا، کورتکراوەی نێوی (تەلعەت).

شەنگڵە

دوو بەری پێکەوەنووساوی دارێک.

ژەنیار

سازژەن، سازبەن، نەواژەن.

باسێ

1. نێوی ئەشکەوتێکە لە ناوچەی بینگۆڵ؛ 2. کانیێکە لە ناوچەی مەریوان بەرەو رێگای بانە.

ماکۆ

1. پاکۆ، کۆکردنەوە و رێکوپێکردنی شت و مەک؛ 2. گیای دووراوی بەسەریەکادراو؛ 3. یەکێ لە شارە کۆنەکانی کوردستانە کە لە سەر سنووری ئازەرباییجان و کوردستان هەڵکەوتووە، بەڵام بە هۆی سیاسەتی دەوڵەتە یەکلەدوای یەکەکانی ئێران و لەبەر ئەوەی کە کورد لەو شارە لەژێر زوڵم و زۆردا بوو، ئێستا دانیشتوانی کورد و ئازەرین.

گوڵناس

کەسێک کە لە گوڵ دەزانێ و گوڵ دەناسێ.

چەمەر

1. کۆبوونەوە لەدەوری یەک لەکاتی شیوەن و رۆڕۆدا؛ 2. کەمە، بازنە.

دەوەنسا

نێوی ئەشکەوتێکە لە ناوچەی حەکاری لە کوردستان.

ئارگا

ئاورگە، ئاگردان. بڕوانە وشەی ئار.

لارەسا

سێبەری نیوەڕۆ.