ئارمین

1. وشەی گۆڕدراوی ئارام؛ 2. نێوی کوڕی کەیقوبادی یەکەم پاشای ماد بووە. بڕوانە وشەی ئار.

هێشین

1.هەرشین، هەر سەوز؛ 2. سەوزایی، شینایی.

شەرۆ

خاوەن ئابڕوو، نازنێوی باڵابانژەنی کوردی خەڵکی گورجستان که نێوی (شەریف)ە.

ڕەوگە

وڵاتی دووهەمی دوای پەڕیوەیی یان ئاوارەیی.

مەرا

نێوی چیایەکە لە سیدەکان لە کوردستانی باشوور.

تەکین

1. دوورکەوتنەوە و کشانەوە؛ 2. کێوێکە لە باکووری کوردستان.

بەرشی

وشەیەکی هەورامییە واتە: هاتەدەر، دەرکەوت.

بنار

1.داوێنی کێو بەرەو دەشت؛ 2. گەورەی ماڵ؛ 3. سەرۆکی خێزان؛ 4. دەمەقاڵە؛ 5. وردەگلەیی. وەکوو: ئەو دەمەقاڵەیە چی بوو؟ هیچ نەبوو وردە بنارێ بوو!

کارتەش

چاندن، تۆوەشاندن.

قەدیفە

1. پارچەی مەخمەڵ؛ 2. جۆرێک گوڵی سوور.