گوڵەندام

1. لەشولار جووان وێنەی گوڵ؛ 2. تەڕپۆش و ڕێکوپێک.

لاسامە

رێژنە، رەهێڵە، شەستەباران.

شەوچەرە

شەوچەلە، خواردنێ که لە شەودا دەخورێ.

ساڕێژ

پڕبوونەوەی برین و چابوونەوەی، برینێک کە گۆشتەوزوونی هێنابێتەوە و چا بووبێتەوە.

شەنگین

جووانشیرین، شۆخوشەنگ.

پازاڕ

بەردێکی زۆر بەنرخە کە ژنان بۆ خشڵ بەکاری دێنن.

پیرۆزە

1. پیرۆزبایی گوتن؛ 2. بەردێکی رەنگشینی بەنرخە؛ 3. باڵدارێکی (ئەفسانەیی)یە.

ڕاستە

1. خەتکێش؛ 2. گوزەر، بازاڕی سەرداپۆشراو؛ 3. دارێکی دوولکە بۆ ئەزموونی راستیی و خواریی بەرداش؛ 4. جۆرێ هەڵپەڕکێ؛ 5. رێگەی بێ پێچ؛ 6. گۆشتی پشت مازە.

درێشک

درێشک، دره‌وش.

دیاری

سەوقات، پێشکەشیی، نیشانە.