شانەواز

بڕوانە بۆ شالاوێن.

ڕەدا

قاییلبوون، رازیبوون. (هەرچیم کرد، نەهاتە ردایە)

کانیاتا

نێوی گوندێکە لە بادینان لە باشووری کوردستان.

بارۆ

بە زاراوەی هەورامی واتە: بیهێنە، بیتێرانە.

مارۆن

1. گیایەکە بۆ سەرێشە باشە و (مرۆخۆش) یشی پێدەڵێن؛ 2. بەردێکی رەشە کە تێکەڵ بە کل یان کڵەی دەکەن بۆ چاو.

کەوەلا

سەوزەپۆش، سەرتاپا سەوز.

گەواڵە

پەڵەی هەور، هەوری گەواڵ گەواڵە.

پارۆنیک

خەندەکی دەوری ماڵ، لە کۆندا لێیان دەدا بۆ بۆ پاراستن و بۆ نیشانەکردنی سنووری خانوو.

ڤارسا

نێوی هەوارێکە لە ناوچەی دەرسیم، لە کوردستانی تورکیە.

یارسا

نێوی ئایینزای (ئەهلی حەق) ە، کە لە بنەڕەتدا (یارسان)ە واتە یاری سوڵتان، یاری یەزدان.