چەتۆ

1. مەسبەست لە ئینسانی ئازا و زیرەک؛ 2. کورتکراوەی چەتە و چەتوون، بەواتای رێگر و تۆسن.

پێوار

نادیار، نەدیار، نەلەبەرچاو، غەیب.

ڕاناو

1. پیشاندراو؛ 2. پیتێک کە هێمایە بۆ نێوێک؛ 3. راناوی فەرمانی.

سەرتۆ

تۆژگ، سەرشیر، قەیماخ.

نازگوڵ

وەکوو گوڵ ناسک.

بەژی

دەخڵی دێم، داهاتی دێمەکار.

فەرەنگ

وشەدان، کۆپەڕێک کە قسە و ئاخاوتنی زمانێکی تێدا کۆکرابێتەوە.

ئارخەیان

1.دڵنیا، خاترجەم؛ 2. بێخەم، بێترس و دوودڵی .

چنارۆک

1. جۆرێک گیایە کە ئاژەڵ حەزی لێدەکا؛ 2. چناری بچووک؛ 3. سەیرانگایەکە لە نزیک کێوی هەیبەسوڵتان لە ناوچەی کۆیە.

سامۆتە

ئاڵقە و بەندی پاشکۆی زین.