کەتوان

چاوەدێر، چاوێر.

سەران

1. ئینسانانی باش؛ 2. کێوان، بەرزاییەکان.

ئاکام

1. دوایی، پاشینە؛ 2. کاتی مەرگ، هەنجڵ؛ 3. ئەنجام، نەتیجە.

بسکان

کۆی بسک و ئەگریجە، پرزەی سەر بەرگی گەنمەشامی.

ڕێشەنگ

ناوێکی درووستکراوە، کە واتای رێگای راسا و پڕباخ و باخات دەدا.

یاسە

جێگای سەخت و ڕژدی چیا.

بەنستان

گوندێکە سەر بە ناوچەی بادینان لە کوردستانی باشوور کە هۆزی رێکانی لێدەژین.

باڤۆ

بە زاراوەی کرمانجی واتە: 1. باوک، باڤ، باب؛ 2. بانگکردنی زاڕۆک لە باوک. (باڤۆ وەرە).

زێڕکۆ

بەزێڕدرووستکراو، دەسکەخنجەری بەزێڕداکوتراو.

باوێزە

باوەرێن، ئەو میوەیەی کە با لە داری بەر دەداتەوە.