زەڕنیشان
زێڕنیشان، بە زێڕ نیشانە کراو، وێنەی زێڕ.
لێشاو
1. ئاوی زۆر و خوڕ؛ 2. بە هورووژم.
ئەنوا
1. پەنا و پەسیو؛ 2. جێی حەسانەوەی شەو؛ 3. شوێنی باراننەگر.
گوڵزار
گوڵجاڕ، چیمەن و سەوزایی پڕ لە گوڵ.
ساباق
ساواق، شوێن و جێگەی زۆر بەرفراوان.
شاگوڵ
1. گوڵی گەورەی قاڵی؛ 2. گوڵی سەرەکی دەخڵ؛ 3. خوشکی گەورە.
بەستام
1. نێوی ژنبرای هورموزی چوارەمی ساسانی و خاڵی خەسرەو پەرویزی ساسانی؛ 2. گوندێکە لە سەر رێگای جادەی سەقز بۆ بانە و مەریوان.
سادۆ
نازنێوی چەند بەیتبێژی کورد بوون لە گورجستان و ئەرمەنستان کە یەکێکیان لە تبلیس دەژیا و نێوی سمایل سادۆ بوو.
گوڵناو
لەش و لاری وەک گوڵ.
کۆبیان
گوندێکی گەورەیە لەلای خوارووی گوندی دیبەگە لە ناوچەی مەخموور لە باشووری کوردستان .