ئەسرین

فرمێسک، رۆندک، ئەسر؛ لە ئاوێستادا کە بە زاراوەی کوردیی کەڵوڕی و هەورامی نووسراوە، (ئەسروو، ئەسراڤ) هاتووە.

کاکی

1. کاکە، براگەورە؛ 2. دەشتی راست و تەخت.

بەزا

خۆشڕۆ، خۆشبەز.

پەیڕەو

1. دەستوور، بەرنامەی کار؛ 2. شوێنکەوتووی کەسێک یان بیروباوڕێک.

چازان

1. حەکیم، پزیشک؛ 2. زانا؛ 3. چاکزان، باش لەشتزان؛ 4. ئازارناس، ئەو کەسەی کە سەری لە نەخۆشی و ئێشوئازار دەردەچێ.

سەفان

زنجیرەی چیا.

گەنجۆ

گەنجینە، ماڵ و سامان.، بانگ کردنی لەسی لاو

جاسر

1. گاسر، گاسەر، دلێر و بێباک؛ 2. باڵابەرز، بەژنبڵند.

نوا

1. وشەیێکی کەڵوڕییە، واتای: پێش، بەر، پێشەوە، بەرەوە دەدا؛ 2. شوێنێ کە باران نەیگرێتەوە؛ 3. ئەشکەوت، غار، زاخە؛ 4. هەر جارێ لە بارینی بەفر.

زەنوێر

جێگەی بڵند و هەوای سازگاری چیا.