باڵێن

1. پشتیوانەی دیوار و کۆڵەکە؛ 2. دارێکە دەیخەنە پشت دەرگای داخراو.

پەیکار

شەڕ، جەنگ، بەربەرەکانێ.

سۆسان

گوندێکی بچووکە لە ناوچەی قوروە.

کوردان

کۆی وشەی کورد، کوردگەل، کوردەیل.

باڵەک

1. شوێنی بەرز و باگرەوە؛ 2. نێوی دوو گوندن کە کەوتوونەتە لای سەرووی چەمی رواندز لە باشووری کوردستان؛ 3. بەو گوندانە و شوێنەکانیان دەڵێن: باڵەکایەتی؛ 4. باڵەک نێوی تیرەیەکە کە پاژی هۆزی (زەرزا) ن. لاس قارەمانی چیرۆکی (لاس و خەزاڵ)، خەڵکی ئەم ناوچەیە بووە.

لەهی

لاپاو، لافاو، سێڵاو، ساڵاو.

کۆڕەنگ

هەموو رەنگێک پێکەوە، کۆی هەموو رەنگێک. ئەم نێوە، نێوێکی تازەیە کە دایکان و باوکان بە زەوقی خۆیان درووستیان کردووە و لە دوو وشەی (کۆ) بە واتای: هەموو شتێک پێکەوە و (رەنگ) بە واتای نما و چۆنییەتی دیمەنێک، کە پێکەوە دەبێتە: (هەموو رەنگێک پێکەوە) ساز کراوە.

بەهارە

پەیدابوو لە بەهاردا، گەنمی بەهارە.

باوێزە

باوەرێن، ئەو میوەیەی کە با لە داری بەر دەداتەوە.

بەرکاز

پەنجەرە، دەلاقەی دیواودەر.