وانیار

خوێندەوار، ئەو کەسەی خوێندنی تەواو کردووە.

یاوان

1. وشکانی، بێئاوان؛ 2. یاوان کۆی وشەی (یاوا) یە. بڕوانە وشەی یاوا.

سۆنی

چیایەکە دەکەوێتە نێوان شۆشمێ و تەوێڵێ و نەوسوو، لە رۆژهەڵاتی کوردستان.

لێوار

کنار، لچ، قەراخ، کەڵکەپاسار.

ئەزنا

نێوی هۆزێکی کورد بووە لە نزیک خوڕەماوا و عەلیگوودەرز لە ناوچەی لوڕستان، لە ڕۆژهەڵاتی کوردستان.

شاواز

1. شاباز، بازی سپی؛ 2. شاباش، شاواش، ئەو بەخششەی کە بە بەزمگێڕی زەماوەن دەدرێ.

باوێزە

باوەرێن، ئەو میوەیەی کە با لە داری بەر دەداتەوە.

فامیە

فاما، بەئاوەز.

زمنای

ئەزموون، تاقیکردنەوە.

ئازین

1. زێوه‌ر، شتێک که‌ له‌ زیو درووست کرابێ؛ 2. رازاندنه‌وه‌.