ئاڤازەر

ناوێکی کرمانجییە بە مانای ئاوی زێڕ

ڕووبەخاڵ

خاڵ لەڕوو، کەسێک کە خاڵی بە روومەتەوە بێ.

کارناس

1. لەکارشارەزا؛ 2. لەکار سەردەرچوو، زانا لەکار.

ڕەنجبەر

کەسێک کە رەنج دەبا و زەحمەت دەکێشێ.

باگار

سەر سینگی تەپۆڵکە و چیا کە با بیگرێتەوە.

تیلا

1. سووچ، گۆشە، قوژبن؛ 2. تیلەی چاو.

شەپۆل

پێل، شەپێل، مۆنجی زەریا.

شیشان

1. بە پەلە خەریکی کارێ بوون؛ 2. نێوی جۆرێک گیایە‌؛ 3. تیرەیەکی بچووکن لە داوێنی چیای قەراخ دەژین لە ناوچەی سلێمانی.

ئەیناخ

نێوی تیرەیەکە لە هۆزی گەورەی جاف، لە ناوچەی (جوانڕۆ)، کە لە کۆندا کوێستان و گەرمیانیان کردووە، هاوینان چوونەتە چیای شاهۆ و زستانان دابەزیونەتە خوارێ.

نیاز

1. نەزر و نیاز؛ 2. مانا، مەبەست؛ 3. ئارەزوو؛ 4. خەیاڵی ئەنجامدانی کارێک.