مامیسا

1. مامیشا؛ نێوێکی کۆنی سریانییە؛ 2. گیایەکی باڵابەرزە لە وێنەی خەشخاش کە گوڵی زەرد دەکا و گوڵەکەشی تۆمێکی وردی ڕەش دەکا و بۆ ناوزگ باشە چونکە ڕەوانی دەکا؛ 3. نێوی گوندێکە لە ناوچەی بادینان لە کوردستانی باشوور.

ڕەشێ

ئاماژە بە کیژی ئەسمەر و رەشتاڵە.

شیلان

جۆرێک موورووی وردی سوورە؛ 2. دلێق، جلێق، بەری دارێکی سووری بتەوی دڕکاوییە، کە شەش گەز هەڵدەچێ و گوڵی زەردی تۆپ و پڕ دەکا و بەری سووری ورد و خرت و شیرین و بەچێژ دەگرێ، لە شێوەی سرینچک (سنجوو)، کە دەخورێ و بۆ دەرمانیش بەکار دێ.

نەشم

لارە و لەنجە، بە نازەوە ڕێکردن، کچێکی بە کەشم و نەشمە.

ژەمان

کۆی وشەی (ژەم) ه کە واتای وادەیەک خواردن دەدا.

بەختەوەر

خاوەنبەخت، خۆشبەخت.

ئاڵیشک

ئاڵشک، زوقم، سیخوار، خووسار.

هەراس

1. پشوو، وچان، وەکوو: هەراسی لێهەڵگرتووم)؛ 2. وەڕەز، ماندوو، وەکوو: (هەراسانم)؛ 3. ترس، خۆف، وەکوو: (هیچ هەراسێکم لێ نییە).

پەیمان

1. شەرت و بەقا؛ 2. بەڵێن، سۆز.

خۆمەش

خۆکار، خۆگه‌ڕ، خۆگێڵ.