هەڤەر

1. شێڵانە، قەیسی؛ 2. بزنی ڕەش و سپی و بەڵەک و بازگ.

لەزگین

1. رووخۆش؛ 2. چالاک و بەکار.

شەوبێر

1. شەوبوێر؛ 2. شەونشین.

ئەوگار

1. ماندوو؛ 2. پەرێشان؛ 3. پێکراو، بریندار، ئەنگاوتە؛ ئەم وشەیە ئاوەڵنێو (سفەت)ە، وشەیەکی کۆنی مادییە و لە فارسیدا (افگار) دەخوێنرێتەوە و شاعیرە کالاسیکەکانیش لە شیعردا بە فیگار نووسیویانە.

سەماسۆ

جۆرێک گۆڤەندی دەروێشییە.

کاوە

1. ئێش و ئازارێکە بە هۆی کارکردنی زۆرەوە لە لەشدا پەیدا دەبێ؛ 2. نێوی کاوەی کوردی قارەمانی داستانی ئەفسانەیی (کاوە و ئەژدەهاک)ە، کە ئەژدەهاکی کوشت و (فەرەیدو)ی فارسی لە جێگای دانا. بڕوانە ئەژدەهاک.

بژاردە

1. بژارتە، ژمێردراو؛ 2. کەموێنە.

ئەزوا

1. دەرمانێکی تاڵە وەکوو سیر؛ 2. گیای بۆنخۆش، بەهارات، هەزوە، هەزبێ؛ 3. سەبر و قەرار. وەکوو: بێ ئەزوام.

شازێ

زێی گەورە، رۆباری گەورەی وەکوو یەکاو.

تەڵاس

سەرچڵی، پێ زیاد لەرادە راکێشان، زێدەڕۆیی.