وەرکۆ

1. بەرکوت، کوتراوەی خەلەی پێش خەرمان؛ 2. وەرکۆرپە، بەرخی ساوا.

فنداک

مۆمدان، جێگەی شەم.

قازەن

دەسک و گوڵ لە چەڵتووکی برنج.

گەشی

روومەتگەش، جوان و لەبار.

کەتیرە

شیرەی وشکەوەبووی گەونی جەباری، کە بۆ دەرمان بەکار دەبرێ.

شلۆڤە

شڵێوە، دوودانگ.

ئیلۆک

1. رەوەند و عێلی بچووک؛ 2. هێلانەی بچووکی باڵداران.

ڕایە

شیاو، حەد. من کوا رایەم هەیە باست بکەم.

باپێشک

بایەک کە پێش باران هەڵدەکا.

کۆژین

نێوێکی تازەیە و واتای (کۆی ژیان)، یان ژیان هەمووی پێکەوە دەدا. بڕوانە کۆرەنگ و کۆیبن.