ئاد

وشه‌ی ئاد به‌ ته‌نیا، چه‌ند واتای هه‌یه‌: 1. دوورگه‌، وشکانی له‌ناو ئاودا، 2. هێز، بڕست، زۆر، توانا، 3. خودای هێز و ده‌سه‌ڵات. 4. له‌ کۆندا نێوی خودای با بووه.‌ ئه‌م نێوه‌ بۆته‌ پێشبه‌ندی زۆر وشه‌ی دیکه‌ له‌ زمانی کوردیی کۆندا. زۆر جاریش وشه‌ی (د) ئه‌گۆڕدرێ بۆ وشه‌ی (ز).

گوڵڕوخسار

روخسار وێنەی گوڵ، ڕوومەت وەک گوڵ.

فرێش

فریش، بڕوانە ئەسرین لە بەشی نێوی کچان.

ڕەڤۆک

1. سڵ، سرک؛ 2. قوشقی، تووڕە، تۆسن، گیاندارێ کە لە ئینسان بترسێ و هەڵێ.

پەرجوو

پەرجۆ، مۆجزات، کەرامات.

خاتوون

خاتێ، وشه‌ی رێزه‌ بۆ ژنان.

حەسین

پێزانین، ئاگاداربوون، هەستپێکردن.

ڕەسا

1. پڕاوپڕ؛ 2. پێڕاگەییشتوو، پێگەییشتوو.

ناتۆر

باخەوان، کەسێک کە قەڵەمی دار لە بێشەدا دادەچێنێ.

پەرێ

1. بە زاراوەی هەورامی واتە: لەبەر، بۆلای؛ 2. پێرێ، پێرەکە؛ 3. سووکەڵە نێوی (پەری)یە.