درەوشە

دره‌وش، بریسکه‌، بریقه‌.

ڕەشکۆت

نێوی هۆزێکی کوردە لە کوردستانی باکوور‌.

ناکام

بە مراد نەگەییشتوو، بەئاوات نەگەییشتوو.

پاڵێن

1. ئامرازی پاڵاوتن، کەوگیر و پاڵوێنە؛ 2. کاتی ئێوارە.

نەرمێ

نەرم و نیان، ئاماژە بە دڵبەری نەرم و نۆڵ، پێچەوانەی زبریی و بتەویی.

کەژێ

1. موورووی زەرد؛ 2. بەڵەک، دووڕەنگ؛ 3. وشەی نەوازش لە لایەن ژنانەوە؛ 4. سەربەند و ناوبەندی چەند گۆرانیی کوردییە: کەژ و کەژاڵێ و ئامان کەژێ، گیانەکەم کەژێ و هیدیکە. بڕوانە (کەژاڵ) لە بەشی نێوی کچان.

کارتیک

1. بڕبەندی بچووک و نەرم؛ 2. سەروەسیەت.

سەرتۆپ

1. سەرپاک، هەموو، تێکڕا؛ 2. یەکەم و بێهاوتا لە جووانی و ئازایەتیدا؛ 3. نێوی چەکێکی کۆنی ئینگلیزیی یە.

زەوارە

نێوی برای رۆسەمی کوڕی زاڵ.

شێردڵ

1. ئازا و بەجەرگ؛ 2. وەک شێر نەترس.