ڤاژی

1. ئەوانیش، وانژی؛ 2. ئاوەژوو.

مەزدا

1. نازنێو یان کورتکراوەی ئەهوورامەزدا، خودای زەڕدەشتییەکان بووە؛ 2. کولانکە یان کونەڕۆچنە کە رووناکایی هەتاو یان تیرۆژ دەداتە ژوورێ؛ لە فەرهەنگی فارسیی (عمید) دا هاتووە کە مەزدا واتە: خستنەسەر و زیادکردن، بردنەسەری نرخی شت، کە فڕی بەسەر ئەو مانایەوە نییە.

گوڵناز

گوڵی نازناز، وەکوو گوڵ جوان و ناسک.

زەریان

کابان، کەیوانووی ماڵ.

ئاوازه

نێوبانگ، ده‌نگ و نێو.

هێڤی

ئاوات، ئارەزوو، هیوا، هومێد.

چاڤین

1. دوعای چاوه‌زار؛ 2. چاوتیژ.

پەروونی

کێوێکە لەسەر سنووری دەستکردی ئێران و ئێراق، لە نێوان دەرەتفێ و چەمی شۆشمێ لە هەورامان لە رۆژهەڵاتی کوردستان

کەپران

1. وەرزی هاتنەدەرەوە لە لادێ؛ 2. کاتی کۆتایی بەهار؛ 3. کاتی چوونەهەورا و زۆزان؛ 4. کاتی کەپرهەڵدان.

چاکین

چاک و باش، باشترین.