کاراک

کاراکا، کان، زەوینێ کە شتی بەنرخی تێدا هەیە و هەڵیدەکۆڵن بۆ کەڵک لێوەرگرتن.

شێخاڵ

باریکەبەفری سەهۆڵبەستووی پەنا رەشانگ کە درەنگ دەتوێتەوە.

سەراسا

1. گشتیی؛ 2. تایبەتی، 3. سەراسا.

بەرسین

بەرسینگ، سینەبەندی زین.

دێراو

گۆل، زه‌وینی چاڵکراو بۆ بێستان و ئاودێران.

دیبا

به‌رچاو هاتبا. وه‌کوو: سه‌ربه‌ستیم به‌چاو دیبا خۆش بوو.

زازا

1. نەوە و نەبیرە؛ 2. مەڵبەندێکی پان و بەرینە لە کوردستان؛ 3. یەکێ لە زاراوە کۆنەکانی زمانی کوردی؛ 4. تیرە یان بەشێکە لە کورد لە باکووری کوردستان.

داشۆ

داشێ، براگەورە، وشەی دواندنی براگەورە.

زەلال

1. رەوانیی بۆ دەنگ و ئاواز؛ 2. روونیی و سافیی بۆ ئاو.

ساباق

ساواق، شوێن و جێگەی زۆر بەرفراوان.