لەنگێزە

رەهێڵە، لاسامهی باران‌.

تانۆک

تەیمان، پەرژین.

ئەڵها

ئاڵها، تاسە، ئارەزوو، تەما.

سوورێن

1. ئاماژەیە بە سوور؛ 2. جێگای سوورمایی، شوێنێ کە خۆڵەسوورەی هەبێ؛ 3. گوندێکە لە نێوان کوێرەگوێز و بۆیین لە رۆژهەڵاتی کوردستان .

بەنگینە

نازنێوی حاجی باقری شاعیری خەڵکی سلێمانی بووە، کە هۆنراوەی حەماسی زۆری هەیە. بڕوانە: بەنگین.

خازما

خاسما، به‌تایبه‌تی.

ئەسپەرە

1. ئەسپەر، مەترکە، پێگرەی بێڵی بێڵباخ؛ 2. ئەو دارەی لە دەسکەبێڵی ئاسنی رادەکەن بۆ بێڵباخ و زەویهەڵکەندن؛ 3. گیای رەنگڕێژیی.

زەنتا

سەیرانگایەکی خۆشە لە کوردستانی ئێراق.

لالەزار

گوڵجاڕ جاڕ یان باخچەی گوڵ.

سابەرە

تەختەیەک کە دووداری بە بزمار لەیەک گرێ دەدا، یان رادەگرێ.