زەنگیانە

مووروویەکی وردی رەنگاوڕەنگە.

سەیران

گەشتوگوزار، پیاسە و گەڕان.

قەمان

1. وشکبوونی داری تەڕ؛ 2. کانیاوێکە لە سەر ترۆپکی چیای (شنروێ) لە ناوچەی هەڵەبجە.

کاریتان

1. پلوورەمێش؛ 2. ئەمباری دەخڵودان.

حەمۆ

کورتکراوەی نێوی موحەممەدە.

لیمۆ

میوەیەکی پێسزەردی مزر و ترشە لە تیرەی نارنج و پرتەقاڵ، دوو جۆری گەورە و بچووکی هەیە کە بچووکەکەیان وشک دەکرێ و دەنێو چێشت و خواردەمەنی دەکرێ.

دڵپاک

بێغه‌لوغه‌ش، بێگز، بێفڕوفێڵ.

لێوئاڵ

ئاماژە بە ژن یان کچێک کە لێوی جوان و سوور بێ.

داخواز

1. خوازیار، خوازه‌ر؛ 2. داواکاری، پێداویستیی.

سەرهات

1. سەرگوریشتە، بەسەرهات؛ 2. رووداو، بوویەر.