یەسنا

یەزنە، جەژن؛ بەشێکە لە بەشە گەورەکەی ئاوێستا، کۆپەڕەکەی زەڕدەشتی پێغەمبەر، کە بریتییە لە سروودی ئایینی.

بازۆ

بازی بچووک.

باپێشک

بایەک کە پێش باران هەڵدەکا.

بۆرژا

نێوان خەو و ئایاخی؛ بۆرەخەو.

کانیسک

لاسکی وشکی نیسک.

نامۆ

نائاشنا، نەشناس، نەناسراو، بیانی، بێگانە، غەریب.

بەیخان

ناوێکی ژنانەیە.

فلوون

گوندێکە لەلای ئامۆکان لە دەشتی حەریر لە ناوچەی شەقڵاوە.

باهۆز

بای بەهێز، گەردەلوول، کێژەڵووکە، گژەبا.

مادۆ

لە وشەی ماد وەرگیراوە، بە واتای مادی بچووک. تیپی (ۆ) لە کۆتایی وشەی نێو لە کوردیدا واتای بچووککردنەوە دەدا لەبەر هەستی خۆشەویستی. وەکوو: جەماڵ: جەمۆ، یان حەسەن: حەسۆ.