سۆزە

1. سۆز، گۆرانیی بە دەنگی نزم؛ 2. تەزووی سەرما؛ 3. سۆراخکردنی خەبەر؛ 4. خۆشەویستیی.

بیرەوەر

خاوەنبیر، خاوەن هزر و بەزەین، بیرا.

هەراس

1. پشوو، وچان، وەکوو: هەراسی لێهەڵگرتووم)؛ 2. وەڕەز، ماندوو، وەکوو: (هەراسانم)؛ 3. ترس، خۆف، وەکوو: (هیچ هەراسێکم لێ نییە).

نشوان

نێوی گوندێکە لە ناوچەی حەکاریی لە کوردستان شمالی.

پەلکەزێڕ

پەلکەی زێڕین، ئاماژە بە قژی زەرد.

قەمەر

1. ئەسپی سووری ئاماڵڕەش، کوێتی داوێنتاریک؛ 2. مرۆی ئاماڵڕەش، ئەسمەر؛ 3. گوندێکی باشووری کوردستانە.

باسێن

باگر، ئەو شتەی کە پێش بە شنەی با دەگرێ.

پاسین

دەشتێکە لە رۆژهەڵاتی ئەرزەڕۆم لە باکووری کوردستان.

بەرموور

ملوانکە، گەردانە.

خاتوون

خاتێ، وشه‌ی رێزه‌ بۆ ژنان.