هەیوێ

بسکی سەر لاجەنگ.

شاناو

نێوی بەرز و پڕئاوازە، نێوی شاهانە.

گۆبەرۆک

ریزەگوڵنگی زێڕ و زێو کە‌ بە سوخمەدا هەڵیدەدروون.

بسکۆلە

گیایەکە لە ئەگریجە دەکا.

شێوە

1. وێنا؛ 2. چەشن، ڕوواڵەت.

رادۆ

1. مانالێدانەوە، واتاکردنەوە؛ 2. خزمەت.

سنین

گوندێکە لە ناوچەی سیدەکان لە باشووری کوردستان .

ڕۆناس

رۆژناس، کەسێک کە هەتاوناس بێ. بۆ ئاگاداریی ئەمانە هەندێ نێون کە رۆشنبیرانی زاراوەکرمانج درووستیان کردووە و داتاشراون.

وەرتێ

1. شوێنی پڕگوڵ و گیا؛ 2. ناوەڕاست؛ 3. شوێنی ئاسی و سەختی وەک کوێسان و چیای رژد؛ 4. گوندێکە کەوتۆتە بناری چیای کارۆخ، کە ئەگەر لە گوندی (بۆتێ) وە بۆی بڕۆی، دەبێ بەشێ لە چیای کارۆخ ببڕی تا بیگەیتێ، واتە کەوتۆتە پشت گوندی بۆتێ.

قادێ

1. زەوین، خاک؛ 2. گۆڕەپان، مەیدانی کایە.