ڕۆژەڤ

وشەیەکی تازەیە بە واتای بەرنامەی رۆژانە.

سەرپەل

1. چاخی دەستپێکردنی بارانی بەپەڵە؛ 2. لقی بەرەوژووری دار؛ 3. نانێ کە لەسەر سکڵ ببرژێ؛ 4. سەرکردەی 3 هەتا 50 کەس پێشمەرگە.

شێرۆ

ئاماژە بە مرۆڤی نێرینەی زیرەک و بزێوە.

بەخشین

1.خێرکردن، ئێحسان کردن؛ 2. لێبوردن.

ڕوباب

رەباب، جۆرێک ئامێری مۆسیقایە لە شێوەی تار، کە کاسەکەی بچووکترە، روباب دوو تەلی هەیە و بە کەوانە یان ئارشە دەهەڤۆترێ و یەکێ لە کۆنەسازەکانی ئێرانی سەردەمی ساسانییەکانە.

زاویتە

1. نێوی دۆڵ و شارۆچکەیەکە لە بادینان لە کوردستانی ئێراق؛ 2. بای ساردی رۆژەڵات.

ڕۆڤە

کڕێوە و بادەوە، باسریشک.

یارە

یار، دۆست، هەڤاڵ.

ڕامیار

1. شووانی پەز؛ 2. رەوکەوان، ئاگاداری رەوە ئەسپ؛ 3. سیاسەتزان.

لاسامە

رێژنە، رەهێڵە، شەستەباران.