ئامێ

1. دایک؛ 2. سووکه‌ڵه‌ نێوی ئامێنه‌.

کارساز

1. کەسێ کە کارێک بۆ کەسێکی دیکە پێک دێنێ، گرێکەرەوە، چارەساز، کارچێکەر؛ 2. ناوە بۆ خوا، وکوو (یا کارسازی کاران).

ئارین

بەسراو بە نژادی ئارییەوە.

دلاڤین

کۆتایی به‌هار و سه‌ره‌تای هاوین.

ناوتۆ

دوو تۆی شتێک، وەکوو: ناوتۆی لێف یان ناوتۆی کۆپەڕ. بۆ نموونە: کاغەزەکە لە ناوتۆی کۆپەڕەکەدایە، تەزبێحەکە لەناوتۆی لێفەکەدا بوو!

ئایرۆ

هۆزێکی کۆچەرین کە شوێنەمێنگەیان باکووری ناوچەی (بالیانە) لە هەرێمی مووسڵ لە باشووری کوردستان.

ڕەنین

1. جوان؛ 2. سپیکەڵە.

هەژبین

1. دووربین، داهاتووبین؛ 2. خاوەن ئەزموون.

ئارمانج

1. نیشانە، کێلک؛ 2. دۆز، مەبەست، نیاز لە ژیاندا.

گوڵەباخ

گوڵی باخان، سوورەگوڵ.