کارزان

لەکاردا زانا و شارەزا، لەکار تێگەییشتوو.

پسپۆڕ

1. لێزان، شارەزا و کارزانی کار؛ 2. لێوەشاوە لە لۆری کاردا.

ناران

نێوی گوندێکە لە کوردستانی بندەستی تورکیە.

فەتان

بنیاتنانەوە، ئاواکردنەوە یان لەسەرڕا کێڵانەوەی زەوینی بایەر و دەێم.

شاخەوان

زەردەوان، چیاپێو، کوێستانگەڕ.

پەرەنگ

لەرزانەی گوارە، پۆلوو، پەنگر، سکڵ.

کەوێ

1. ڕەنگی کەوە؛ 2. وەکوو کەو، وێنەکەو؛ 3. کەوا؛ 4. سەربەندی گۆرانییەکی کوردییە.

ماهنووس

نێوی شارۆچکەیێکە لە ناوچەی کوردنشینی کووت لە خوارووی باشووری کوردستان، کە کوردی فەیلی تێدا ژیاوە، بەڵام حکوومەتە خوێنڕێژە یەک لەدوای یەکەکانی ئێراق ئەو شارەیان لە کورد چۆڵ کرد و کردیان بە عەرەبنشین.

بالیان

1. نێوی هۆزێکی کوردە لەلای شاری (خۆی)؛ 2. هەروەها ناوچەیەکی کوردنشینی سەر بە (مووسڵ) ە، لە باشووری کوردستان.

ئاده‌ر

که‌حێل، جسن، ره‌سه‌ن، حودوود.