ڕاڤەر

پاڕانەوە، لاڵانەوە.

شۆڕەسوار

سووارکاری باڵابەرز و سووارچاک.

چەمان

کۆی چه‌م، چه‌م به‌ هه‌ورامی واته‌: چاو، (چه‌مان) یش یانێ: چاوگه‌ل، چاوان.

وەرسا

پێشسان، قەرەوڵی بەر لەشکر.

کارچین

جۆرێک هەرمێیە کە بە کاڵی لێ دەکرێتەوە.

ئاته‌ران

کۆی وشه‌ی ئاتر یان ئاگر.

پیران

1. کۆی وشەی پیر بە واتای: شەخس، خاسخوا، چاک؛ 2. گۆڕی چاکان و خاسخواگەل؛ 3. پیران گوندێکە لە نێوان مەریوان و هەورامان؛ 4. تیرەیەکن کە بەشێکیان لە باکووری رانیەن و بەشێکیان لەلای مەهابادن کە سەر بە هۆزی بڵباسن. 5. پیران: بوورانەوە، لەسەرخۆچوون، لەهۆشخۆچوون؛ 6. کاتی گریان کە هەناسە ببڕێ و نەگەڕێتەوە، وەکوو: ئەو منداڵە ئەوەندە گریا، پیرانی کرد؛ 6. وشەی پیر لە کوردیدا، واتای پیاوی چاک و دیندار و خواپەرست دەدا کە (شەخس) و (چاک) یشی پێدەڵێن؛ 7. ئەو (Piere) ە ش کە نێوە و من بۆ خۆم لە هەندەران بەتایبەت لە ئورووپا بیستوومە و هەیە، هەر ئەو پیرەیە کە ئێمە بە چاک و شەخسی نێو دەبەین و لەلای وانیش هەر هەمان واتای هەیە.

ورشە

گرشە، بریقه، تریفە، بریسکه، درەوشین، ورشە‌‌.

هەناو

هەناڤ، دەروون، ناوسک، هوندر.

گوڵڕوخسار

روخسار وێنەی گوڵ، ڕوومەت وەک گوڵ.