تاتۆ

تاتە، بابە، بابۆ، باڤۆ، باوک.

کارزان

لەکاردا زانا و شارەزا، لەکار تێگەییشتوو.

وەرشەو

ئالیاژێکە تێکەڵ لە مس و زیو کە بریقەدارە و خەراپ نابێ و سینی و کەوچک و چەتاڵ و شتی وای لێ درووست دەکەن.

بەهێ

بیووک، میوەی بەی، هێوە، نرخ، بەها، بایی.

ڕوخسار

دیمەن، دەموچاو، روومەت.

کاڵا

1. قوماش، پارچە، ماڵی گەزیی، جلوبەرگ؛ 2. کەلوپەلی بازرگانی. (کاڵا بەقەد باڵایە)

ئێوەت

چاودێریکەر، پەرستار.

مادۆ

لە وشەی ماد وەرگیراوە، بە واتای مادی بچووک. تیپی (ۆ) لە کۆتایی وشەی نێو لە کوردیدا واتای بچووککردنەوە دەدا لەبەر هەستی خۆشەویستی. وەکوو: جەماڵ: جەمۆ، یان حەسەن: حەسۆ.

شاپەڕ

شاباڵی مەل، پەڕی گەورەی باڵی مەل.

شەکرەسێو

سێوی شیرین، جۆرێک سێوی چکۆلەی شیرین.