نالین

ناڵاندن، ئاه و ناڵە.

ئەسپەرێز

نێوی گوندێکە لە لای گوندەکانی (نگڵ) و (میانه)‌ی سەر بە هەورامان، لە نێوان سنە و مەریوان لە ڕۆژهەڵاتی کوردستان.

زارگەش

قسەخۆش و رووخۆش.

ئاماژ

نیشانە، ئامانج.

شەبەنگ

تیشکدانەوەی ڕەنگەکانی خۆر.

سالۆر

ژیر و تێگەشتوو، بەئاوەز. وەکوو: ژنێکی سالۆرە.

باپۆک

باپووک، کڕێوە و تۆفی بەفر کە با دەیهێنێ.

هەرکۆ

هەرجێ، هەرکوێ.

ڤارین

1. تەنیایی؛ 2. نادیاریی.

نەوین

1. لە وشەی چاوگی (لێنەوین) وەرگیراوە، بە واتای بەرزکردنەوە و پڕپێداکردن، (لێ نەوی بەرزی کاتەوە)؛ 2. چەمینەوە، (دوو جار دانەوی قەڵەمەکەی هەڵگرێ).