هۆران

لێکۆڵینەوە و بەوردی بیرلێکردنەوە.

هەلار

1. تینی ئاگر، هاڵاوی ئاگر؛ 2. هەلاهەلا، هەلارهەلار، لەبەریەکچوو، وردوخاش.

ڕازە

چیرۆکی خەیاڵیی.

شاپەڕ

شاباڵی مەل، پەڕی گەورەی باڵی مەل.

مێخەک

لە ناوچەکانی هەولێر و ڕواندز و دەوروبەر بە مێخەک دەڵێن: قەنەفڕ، یان قەنەفڵ؛ لە باکووری کوردستانیش دەڵێن: نەفەل؛ مێخەک: گوڵی درەختێکی گەرمیانییە، بۆنی زۆر خۆشە و وشک دەکرێ و ژنان لە بەرۆک و سینگی خۆیانی دەدەن، مێخەک بە وشکی تا چەند ساڵ بۆنی هەر دەمێنێ و هەر جارێک کە لە ئاوی هەڵکێشی، یان بۆ چەند کاتژمێرێک لە ناو ئاودا بیهێڵیتەوە، پاش ئەوەی کە لە ئاوەکەت دەرهێنا، بۆنی هەر وەکوو ئەو یەکەمجارەیە کە لە دارەکەت کردبێتەوە؛ مێخەک هەروەها بۆ ددانئێشەش بەکاری دەبەن.

دادیلە

وشه‌ی دواندنی خوشکی چکۆله‌.

ئاشێڤ

بنکۆڵکردنی سەوزەوات بۆ بەهێزبوونی.

ڕۆندک

رۆنتک، فرمێسک، ئێستر، ئەسر، ئەسرین.

ئەسام

کڕیم، سەندم.

سەربەست

سەربەست، تەرخان، ئازاد.