ڕۆشنا

1. رۆشن، رووناک، (بە رۆژ رۆشنا کوشتی و هەڵات)؛ 2. دواوشەی وشەدوانەی (ئاشنا و رۆشنا).

ماوەرد

گوڵی گوڵاو، گوڵی موحەممەدیی.

ئاسووده‌

بێخه‌م، دڵنیا و ره‌حه‌ت.

شمشاڵ

ئامێرێکی مۆسیقای کوردییە، بلوێر، بلوور.

ڕادە

1. دێرانە، بارست؛ 2. چلۆنەتی.

ڕەهێڵ

1. رەهێڵە، رەهێڵەی باران؛ 2. رێژنەی تیر و فیشەک.

واژین

ئاودانی شەتڵی تووتن دوو سێ ڕۆژ لەسەریەک بۆ گووران. شەتڵی تووتن کاتێک لە دێراو دادەچەقێندرێ و پاش چەند ڕۆژ شین دەبێ و خۆی دەگرێ، دەڵێن: گووراوه، یان ڕسکاوە‌.

ئۆسرووش

نێوی فریشته‌یه‌که‌.

باگرۆ

بای توند، بای زەمەن. (لەبەر باگرۆ راومان پێناکرێ).

زازێ

شەرمن، کەمدوێ، کەمقسە.