سالۆر

ژیر و تێگەشتوو، بەئاوەز. وەکوو: ژنێکی سالۆرە.

شەیدا

شێت و شێواوی ئەڤین، دێوانەی عەشق، ئاڵۆز و پەشۆکاو لە ئەویندا.

شەوێر

وریا و لەسەر هەست، هەستیار.

خرپن

پڕگۆشت و خڕیله‌.

خۆزان

شارەزا لە خۆ، بەڵەد لە جێگە و شوێنی خۆ.

ڕاسپێر

سفارشدەر، سەختیکەر: سەختیم کردووە بۆم بێنن.

چاکبین

باشبین، ئینسانی باش و خێرخواز.

قاپۆ

1. قاپۆک، ئەو شتانەی کە لافاو رایدەماڵێ و دەیخاتە قەراخ؛ 2. نیاز، ئاتاج. قاپۆم بە وەیس بوو، ئەویش بە سوننی دەرچوو!

سکاڵا

1. هەڵڕشتنی داخ و خەفەتی دڵ؛ 2. هانابردنە بەر کەسێکی دیکە وەکوو شکایەت، گلەیی؛ 3. لۆمە و سەرکۆنە؛ 4. بیری چارەدیتنەوە.

بەختەوەر

خاوەنبەخت، خۆشبەخت.