لاوان

کۆی وشەی (لاو)ە، کە مانای گەنج و خورت دەدا، خورت وشەیەکی کرمانجییە و واتە لاو، گەنج. وەکوو: خورتێن مە، واتە گەنجەکانی ئێمە. لە موکوریان بە لاو دەڵێن: جەوان!

سیاخاڵ

خاڵڕەش، خاڵی رەشی قەترانی.

سیتاڤ

1. تیشکی هەتاو؛ 2. تین و گەرمای هەتاو.

ژەرەژان

1. کۆی وشەی ژەرەژ، پۆلەژەرەژ؛ 2. نێوی کێوێکە لەلای زەنگان یان زەنجان کە کەوی زۆرە و لادێکانیشی کوردن.

هێور

1. ئارام و لەسەرەخۆ؛ 2. پەناگا، داڵدە؛ 3. ئەنوا، جێگە؛ 4. بوێریی، ئازایی، نەترسان.

تاپۆ

1. تارمایی، رەشایی لە دوورەوە؛ 2. مووچەی مەزرای خەڵاتیی و بێباج؛ 3. قەباڵەی موڵکایەتی؛ 4. بەڕێوەبەرایەتی کارگێڕیی قەباڵەی موڵکنووسین.

خۆزان

شارەزا لە خۆ، بەڵەد لە جێگە و شوێنی خۆ.

ئێرارتۆ

تیرەیەک لە تیرەکۆنەکانی سەردەمی ماد.

میرۆ

میرا، پاشای بچووک.

لاژە

لاوژە، گۆرانی.