پرشە

ورشە، گرشە، دەروشان.

پاکان

ئینسانی چاک، پیاو چاکان، شێخ و مەشایەخ.

وەرکۆ

1. بەرکوت، کوتراوەی خەلەی پێش خەرمان؛ 2. وەرکۆرپە، بەرخی ساوا.

لاولاو

لاڤلاڤک، گیایەکە لاسکی باریکە، چووار تا پێنج گەز هەڵدەچێ، گوڵێکی وەکوو گوڵی ئەتلەس دەدا کە سوور و شین و کەسک و هەمەڕەنگە، تەنیا لە فێنکیی بەیاناندا گوڵی دەپشکوێ، بەڵام هەر کە هەتاو درەهات، وردەوردە سیس دەبێ.

مەرا

نێوی چیایەکە لە سیدەکان لە کوردستانی باشوور.

ساوانسۆ

نێوی هەوارێکە لە هەورامانی کوردستان.

سەرۆک

سەرپەرشت، ساڵاری هۆز و گەل.

یارین

دۆست و گراوی.

گوڵڕەنگ

لە ڕەنگی گوڵ، وەکوو ڕەنگی گوڵ جوان.

ژەمان

کۆی وشەی (ژەم) ه کە واتای وادەیەک خواردن دەدا.