دەلال

نازدار، شۆخ و شه‌نگ. هه‌ر دوو لامه‌که‌ی (ده‌لال)، به‌ (ل) ی ساده‌ ده‌نووسرێ و له‌گه‌ڵ (ده‌ڵاڵ) که‌ به‌ (ڵ) ی قه‌ڵه‌و ده‌نووسرێ جیاوازه‌.

سارەما

تێبەردانی کارژەلە و بەرخ بۆ شیرخواردن، بەیانیان بەر لە دۆشینی دایکەکانیان.

دەریلە

1. ده‌رگای بچووک؛ 2. گوندێکه‌ نزیک به‌ گوندی بنیده‌ر له‌ ناوچه‌ی هه‌ورامان له‌ نێوان سنه‌ و مه‌ریوان.

حەژمەت

خەفەت، مەێنەت، کەسەر.

دازین

دازین و به‌زین، هاتنه‌خوار و داکه‌وتن.

ئەردەهان

شارێکی کوردنشینە لە باکووری کوردستان.

بەرسیلە

پەسیرە، هاڵە، ترێی فەریک و نەگییشتوو.

ئاییسان

پێبوونی ئاگر، داگیرسانی ئاگر.

گرنگ

بایەخدار، بەنرخ، کار یان شتێک که بایەخی هەبێ.

بازەڵە

بازەڵێن، 1. بەڵەکی کەم؛ 2. شەرمشکاو؛ 3. خڕکەڵە و هەراش؛ 4. قەمچان، بەردان، گەمەیەکە بە بەردی لووس دەکرێ.