ئارگا

ئاورگە، ئاگردان. بڕوانە وشەی ئار.

مەزەدار

1. خوێنشیرین، جوان و زەریف؛ 2. سەربەندی گۆرانییەکی فۆلکلۆری کوردییە.

ئاورینگ

1. پریشکه‌ی ئاگر؛ 2. بریقه‌ و ترووسکه‌.

ژالیان

ناوێکی ژنانەیە و نازانم لە چییەوە هاتووە.

خۆزان

شارەزا لە خۆ، بەڵەد لە جێگە و شوێنی خۆ.

کەوژ

ئارەزوو، ئاوات.

شەرڤان

شەڕوان، شەڕکەر.

کانیلە

کانیلکە، کانی بچووک.

ماکۆ

1. پاکۆ، کۆکردنەوە و رێکوپێکردنی شت و مەک؛ 2. گیای دووراوی بەسەریەکادراو؛ 3. یەکێ لە شارە کۆنەکانی کوردستانە کە لە سەر سنووری ئازەرباییجان و کوردستان هەڵکەوتووە، بەڵام بە هۆی سیاسەتی دەوڵەتە یەکلەدوای یەکەکانی ئێران و لەبەر ئەوەی کە کورد لەو شارە لەژێر زوڵم و زۆردا بوو، ئێستا دانیشتوانی کورد و ئازەرین.

دڵکێش

جوان و دڵڕفێن.