هەرژین

هەڵاهەڵابوون بە هۆی کوڵاندنەوە. (گۆشتی چی، ئەوەندە کوڵاوە، بووە بە هەرژین).

بەشکۆ

شرکەت، شەریکە، بازرگانیی هاوبەشی.

ئاڵا

به‌یداخ، په‌رچه‌م.

ڕەمان

چیایەکە لە کوردستانی باکوور‌ کە نەوتی زۆرە.

حەزیا

ئەژدیها، ئەژدەهاک.

هەرمان

1. هەرگیزنەفەوتان؛ 2. بە هەورامی واتە: فرمان، کار، خەبات. بۆ ئاگاداریی: فرمان واتە: کار، فەرمان: واتە، ئەمر و دەستوور. لە زاراوەی کرمانجیشدا فەرمان واتە: ‌قەڵاچۆکردن و بەکۆمەڵکوشتن. وشەی فەرمان لە لاوکی کوردیدا یەکجار زۆرە.

ئۆیه

جۆره‌ چنراوێکی ته‌نکی کونکونه‌ بۆ جووانیی ده‌گیرێ به‌ قه‌راخ شتدا.

هەزارە

1. هاتوچۆی کەروێشک لەسەر بەفر؛ 2. بەردی قیتی لێوارەی حەوز؛ 3. لێوارەی تاقی ناو دیوار؛ 4. خەوزڕان و خەیاڵاتکردنی ناو جێگە؛ 5. بیرەوەریی هەزاران ساڵەی مردن یان لە دایکبوونی ئینسانی بەنێوبانگ. وەکوو (هەزارەی سەلاحەددینی ئەیوبی)

کاوانی

نێوی هۆزێکە لە کوردستانی باشوور.

دیلە

جۆرێک گەنمی سووتاوی رەشە.