زازێ
شەرمن، کەمدوێ، کەمقسە.
زێوار
پەراوێز، قەراخە.
شەنگەدار
1. شۆخ و سەرحاڵ؛ 2. داری جووان و لەبار.
خرینگە
1. زڕهی بازنه و دهنگی پاوانه و زیوهری دیکه؛ 2. خشڵێکی ژنانهیه؛ 3. سهربهندی گۆرانییهکی کوردییه.
وانیار
خوێندەوار، ئەو کەسەی خوێندنی تەواو کردووە.
ڕۆدی
ئاماژە بەوەی کە رۆژ یان هەتاوی دی.
حەلیم
1. لهسهرهخۆ، بهتاقهت، هێمن و هێور؛ 2. چێشتی کهشکهک؛ 3. خواردنی حهلیم که له گهنمی کوڵاو و گۆشت درووست دهکرێ؛ 4. نێوێکی ژنانهیه.
پەچە
1. پێچە، پەچە، دەسماڵ یان تەنراوێکی رەشە کە ژنان لە کوردەواریدا بەتایبەت لە لادێ بۆ شەرمە یان شەرمکردن لە پیاو دەم و لووتی پێ دادەپۆشن. شەرمە کولتووری عەرەبە کە بە هۆی ئایینی ئیسلامەوە هاتۆتە ناو کۆمەڵگای کوردەواری. کـــــۆڵان بــەکـــــۆڵان جــــادە بـه جــــــادە نەشمیلەی چاوجووان (پەچە)کەت لادە (عەلی مەردان) 2. پەچە، مۆڵگە، هەوێز، بێرە، رانەبێرە، بەو شوێنە دەگوترێ کە پەز و بزن (وردەماڵات)ی لێ دەخەوێنن بۆ شیردۆشین و وچاندەرکردنی شووان لە کاتی نیوەڕۆدا و کچان و ژنان دێن بۆ دۆشینیان. وەکوو: لەناو ران هاتەو شیر بە شانەوە لچی ها بە تۆز (پەچە)ی رانەوە (گەلێریی ناوچەی سنە)
ئەنگۆرە
1. دەمی ئێوارە؛ 2. سەرەتای هەڕەت و گەییشتنی میوە و سەوزەوات؛ 3. ئەوکاتە، ئەوسا، ئەودەم.
زارا
1. نێوێکی کۆنی کوردییە کە واتای کەو یان ژەرەژ دەدا؛ 2. نێوی شارۆچکەیەکە لە باکووری کوردستان لە سەر رێگای سێواس بۆ ئەرزنجان؛ 3. بۆ ئاگاداری نێوی سارا و زارا هەر یەکێکە و عەرەب وشەی (زارا)ی گۆڕیوە بۆ (سارا)؛ 4. سارا یان زارا هەروەسا نێوی کێوێکە لە ناوچەی سلێمانی لەلای چیای ئەژدەهاک کە لە نێوان شاری دووکان و شارۆچکەی سوورداش هەڵکەوتووە.