شاوان

زەوینی بەردەڵان.

شادانە

جۆرێک گیایە کە تۆمی ورد دەکا و تۆمەکەی مەلێک بە نێوی سەێرە حەزی لێدەکا.

دارچین

توێکڵی جۆرێک داره‌ که‌ تامی تیژ و بۆنی خۆش و خورێنییه‌.

ئیلۆک

1. رەوەند و عێلی بچووک؛ 2. هێلانەی بچووکی باڵداران.

ژووار

1. ژانی زۆر، ئازاری سەخت؛ 2. گوندێکە لە هەورامان لە رۆژهەڵاتی کوردستان .

درەوشە

دره‌وش، بریسکه‌، بریقه‌.

سانە

هەسان، بەردی تیژکردنی چەقۆ.

کۆکۆ

نێوی گوند و تیرەیەکی کورده لە باشووری کوردستان .

تیرێژ

تیرۆژ. بڕوانە تیرۆژ.

ئاسیدە

ناوێکی کورمانجییە، حەلوایەکە کە دۆشاوی لەگەڵ بێ، لە ئارد و ڕۆن و دۆشاو دروست دەکرێ.