خەمیس

گوێز و مێوژی کوتراو پێکه‌وه‌.

ئەروەند

ئەڵوەند، 1. شان و شکۆ؛ 2. رووناکبیر، رۆشنبیر.

گوڵنەواز

ئیسانی کار ڕێکوپێک و خاوێن.

بەزا

خۆشڕۆ، خۆشبەز.

پرووشە

1. دەنکە دەنکەی بەفر کە دەبارێ، پرووشەی ئاو و باران، پرووشەی بەفر؛ 2. کەمخواردن، چرۆکردن.

زەنوێر

جێگەی بڵند و هەوای سازگاری چیا.

دابەن

نێوی کوردیی گوندێک بووە لە باکووری کوردستان کە دەوڵەتی تورک گۆڕیویە و نێوی تورکیی لە جێی داناوە.

خوشیلک

جۆرێک گیایه‌ که‌ بیشکێنیته‌وه‌ شیره‌ی سپێ ده‌ر ده‌کا.

کۆماس

نێوی هۆزێکی کوردە لە نێوان سنە و مەریوان و سەقز، کە پێیان دەگوترێ هۆزی کۆماسی.

بەرزیلان

1. کایەی شێر و خەت؛ 2. جۆرێک یاریی یە کە بە پووڵ و پارەی ئاسن دەکرێ و وەکوو شێر و خەت هەڵیداوێن.