ورشە

گرشە، بریقه، تریفە، بریسکه، درەوشین، ورشە‌‌.

ئاجه‌

کورتکراوه‌ی نێوی هاجه‌ره‌

دلۆڤان

مێهره‌بان، دڵسۆز.

وەرڤین

تنۆکدەڵێن، تنۆکلێدەڵێن، بەربوونەوەی دڵۆپی ئاو.

کارسا

سندووق یان دۆڵەی جێگەی نان و خۆراکیی دیکە.

پشکووت

کرایەوە، خونچەیەک کە بپشکوێ.

دڵزار

1. دڵبەئێش، دڵبەسۆ؛ 2. نازنێوی شاعیری کورد ئەحمەد مستەفا عەوێزییە کە خەڵکی هەولێرە و لەوێ دەژی.

وردبین

1. ئاماژە بە مرۆڤی وریا و تێگەییشتوو؛ 2. بیرتیژ و بەهۆش.

کالان

1. کالانە، جێگەی گلێنەی چاو؛ 2. کاڤلان، کاولان، کێلان، جێگەی خنجەر؛ 3. کۆنە دێ، شوێنەمێنگەی وێران؛ 4. کانزای برنج؛ 5. گیای هەرزە؛ 6. نێوی هۆزێکی کوردە لە کوردستانی باکوور.

بۆران

1. دابارینی بەفر و هەڵکردنی با پێکەوە، تۆف، کڕێوە و بادەوە؛ 2. بارانی بەخوڕ.