کاسمە
کولێرەی تۆتۆیی و نانێک که هەویرەکەی بە رۆنەوە شێلدرابێ.
فەرکان
1. روونووسی، لە رووی شتێک نووسینەوە؛ 2. دەستوور، فەرمان.
گارە
1. خشڵی گوێ، گوارە؛ 2. دەنگی مریشکی هێلکەکەر؛ 3. دەنگی گازنده و گڕووگرتنی منداڵ لە ناوچەی خۆشناوەتی بەکار دەبرێ؛ 4. گەیری، چیا، شاخ، کێو، کەژ، کۆ؛ 5. چیایەکە لە ناوچەی بادینان بەرانبەر بە شاری ئامێدی کە سەدام حسێنی خوێنەخۆر بەسەریەوە قەڵایەکی خستۆتەوە و چوواردەوری شوورەچن کردووه بۆ جێگای گەشتی خۆی، بەڵام ساڵی 1991، دوای ڕەوەمێژوویییەکەی کوردستانی باشوور، کەوتەوە دەست کورد و ئێستا لە ژێر کونترۆڵی حوکوومەتی هەرێمی کوردستاندایە.
نازین
1. شانازیکردن، بەخۆ نازین؛ 2. پارێزگارشکبردن.
سادا
نێوی هۆزێکی کورده لە باکووری کوردستان.
خۆزان
شارەزا لە خۆ، بەڵەد لە جێگە و شوێنی خۆ.
تاویار
تاوێرە دەنک، ئەوەندەی جارێک لە سێڵدا دەبرژێ.
بێستان
بێسان، بوستان، جێچاندنگەی میوەگەلی وەکوو: کاڵەک، شووتی، بایجان و تەماتە و هاروێ و هیدیکە.
کۆسرەت
نێوی چیا و گوندێکە لە ناوچەی کۆیە، لە کوردستان.
گوڵفەڕ
گوڵی بەپیت و بەرەکەت، جۆرێک گوڵەسوورەیە.