ساتمە

هەڵەنگووتن، رەتبردن و کەوتن.

زەڕیلە

باڵندەیەکی گچکەی رەنگزەردە.

پاچینە

نەردیوان، پەیژە.

چەچۆڵە

چاچۆڵه‌، چه‌پۆڵه‌، ده‌ستی منداڵی چکۆڵه‌ که‌ چه‌چه‌وانه‌ی تێ ده‌که‌ن.

هێژا

بەڕێز، رێزدار.

ئەستوون

1. ئەستوون، ئەستونگ، ئەستوونەک، کۆڵەکە، ستوون؛ 2. دار یان بەردی درێژ و ئەستوور کە شاوڵی، بە جێگای پایە، وەبەر بانی دەدەن؛ 3. لە گوتەی سەربازیدا بە دەستەیەک لە لەشکر دەگوترێ کە پشت سەر یەک رێ دەکەن.

بلوور

پلوورە، بلوێر، شمشاڵی شوانان؛ 2. بلۆر، جۆرێک شووشەی جووان و ئەستوور.

سەرۆ

بیرێک کە لە نادییارەوە بەدڵ دەگا، ئیلهام.

ئەنجام

ئاکام

جەسان

شارێکی کوردنشینه‌ له‌ باشووری کوردستان، که‌ به‌ زاراوه‌ی که‌لهوڕی قسه‌ ده‌که‌ن.