Zernîşan

Zêrnîşan. Bi zêr nîşankirî. Wek zêr. Zergul: Gula zêrîn.

Lorî

Zaravayê ku Kurdên lor pê diaxifin.

Warnîşan

Nîşana wargehê.

Dilovan

Mîhreban. Dilnerm. Birehm.

Aşûr

Navê kurê Sam bû. Sam jî kurê hezretê Nûh bû. Navê Xwedayê Aşûriyan bûye. Aşûr navê welatekî kevn û mezin bû li navbera rûbarê Dîcle û çiyayên derdorê, û paytexta wê jî her Aşûr bû li nêzî rûbarê Dîcleyê û başûrê Mûsila îroyîn.

Wane

Paşgir e wek: Lûtewane (Xezêm, Xizêm). Destewane (lepik). (Le lay wane: Le lay ewane. Li ba wan e).

Lîlav

Şilope. Şilêwe. Barîna berf û baranê pêkve.

Şapesen

Guleke rengbireng e.

Zîlan

Geliyê Zîlan geliyek e ku dikeve bakûrê deşta Erdîşê, û li derdora 15-20 km dûrî bajarê Erdîşê, di navbera Erdîş û Giyadînê de ye, û ser bi parêzgeha Wanê ye. Di meha tîrmeha 1930î de leşkerên Tirk ketine nav gundên Zîlanê, û komkujiyeke mezin çêbûye. Ji vê bûyerê re dibêjin Komkujiya Geliyê Zîlan. Li gorî rojnameya tirkî ya Cumhuriyet a roja 16ê tîrmeha 1930î, li Geliyê Zîlanê 15 hezar kes hatine kuştin. Navê deştekê ye li milê bakûrê herêma Erdîşê li Bakûrê Kurdistanê. Navê eşîreke mezin e li herêma Wanê li Bakûrê Kurdistanê.

Stran

Lawje. Goranî.