Pêşangeha “Jîlemo” li Hewlêrê

Pêşangeheke taybet bi karên hunerî yên “Maşalah Mihemedî” (Arêz) ê hunermendê nîgarkêş ê xelkê Rojhilatê Kurdistanê li Hewlêrê hate vekirin.

Bêhzad Qadirî

 

Roja Şemî 22ê Hezîrana 2024an, Kafe û Geleriya “Kevnar” li Hewlêra paytexta Herêma Kurdistanê, pêşangehek li jêr navê “Jîlemo”, bo karên hunerî yên Maşalah Mihemedî naskirî bi “Arêz” ê hunermendê nîgarkêş ê xelkê bajarê Sine yê ser bi Rojhilatê Kurdistanê vekir ku heta roja Înê 28ê Hezîranê berdewam dibe.

Di vê pêşangehê de çendîn tabloyên nû yên hunermned Maşalah Mihemedî, herwisa enîmeyşineke çend xulekî ya navbirî bi navê “Homo Fiyuc” hate pêşandan.

Bi giştî di tabloyên vê pêşangehê de behsa mirovê Kurd û jiyana gundewarî tê kirin û di vê derbarê de hunermend Maşalah Mihemedî di hevpeyvînekê de ji Kudrşopê re got: “Bi giştî berhemên hunerî beşek ji jiyana hunermendan in. Di vir de tabloyên min behsa jiyana Kurdewarî dikin, ew jî, ji dîtingeha min a taybet ve, ne wek dîtingeha wênegerek yan mîmarekê. Ez wan xaniyan wek karekterek mirovî dibînim; Ew karekterene bi giştî di keşeke sar de ne û renge behsa Zivistanekê bikin. Herwisa berevajiya keşa derve ku sar û qerisînî ye, nava xanî germ e û tu qey dibêjî agir e. Eva behsa derûna mirovê Kurd dike. Bi giştî min hewl daye bibe dîtingeha min a taybet bo pirsê.”

Taybetmendiyeke din a vê pêşangehê, rengvedana jina Kurd e di tabloyan de. Di vê derbarê de Maşalah Mihemedî dibêje: “Min di van 35 salên borî de zêdetirî 200 tabloyên jinan kişandine û behsa gelek aliyên jiyana jinên Kurd kiriye û gelek caran behsa tenêtî û êşên wan kiriye. Helbest behskirin li ser tenêtiya jin li cem min bi vê wateyê nîne ku kes yan kesanek li cem wan jinan nînin, belkî bi wateya tênegihîştin ji jinê ye ji aliyê nêzîktirîn kesan ve, wek kur, mêr, bira û bav.”

Di tabloyên hunermend Maşalah Mihemedî de girîngiyeke mezin bi jiyana gundewarî re hatiye danê. Di vê derbarê de jî navbirî dibêje: “Ez ji zarokatiya xwe ve bi gundan re eleqedar bûme û her ku derfeta min hebûbe ez çûme gundê xwe. Min jiyana gundan gelek pê xweş û taybet e. Heta şêweya mîmariya gundan jî li cem min balkêş bûye, çimkî ruhiyeta Kurdî nîşanê me dide, lewam hertimî ew wêneyane di mêjî û xeyalên min de bûn û bandor li min kirine.”.

Hunermend Maşalah Mihemedî di dawî de û di bersiva vê pirsyarê de ku çawa te li Hewlêrê biryara vekirina vê pêşangehê da û te rêjeya serdana xelkê pê çawa ye? got: “Dema ku hunermend kar dike, pê xweş e bi şêweyekî berfireh karên xwe nîşan bide da ku bêne dîtin. Bi vê mebestê, çend meh beriya niha min li Silêmaniyê pêşangehek li dar xist û niha jî li Hewlêrê. Helbet 10 sal beriya niha jî min li Başûrê Kurdistanê pêşangehek li dar xist û min pê xweş bû dîsan min ew ezmûn hebe û bi wan salan re helsengandinê bikim. Ez dikarim bêjim kalîteya pêşangehê û rêjeya serdankeran bilind bûye û li cem min baş e, lê hêşta di asta çavnihêriyan de nîne. Yek ji wan mijaran ku dibe pêşketina her takekê, rexne ye, lê min heya niha ti rexneyek di vir de nedîtiye, bi taybetî medyayên Başûrî Kurdistanê di vê derheqê de kêmtirxemî kirine.”

Kurteyek ji jiyanname û çalakiyên hunerî yên hunermend Maşalah Mihemedî

Maşalah Mihemedî di sala 1969an de li taxa “Cewrava” ya bajarê Sinê li Rojhilatê Kurdistanê ji dayîk bûye. Ji zarokatiya xwe ve bi nîgarkêşiyê re eleqedar bûye, lewra di 11 saliya xwe de beşdarî di waneyên nîgarkêşî yên “Hadî Ziyaedînî” kiriye û sala 1987an li zanîngeha Tehranê beşa nîgarkêşî qedandiye. Wî beşdariya 43 pêşangehên giştî, 163 festîvalên navdewletî kiriye û 38 pêşangehên taybet vekiriye û ev pêşangehe li Hewlêrê pêncemîn pêşangeha wî ye li Başûrê Kurdistanê. Maşalah Mihemedî 17 xelatên navneteweyî û 34 xelatên navxweyî wergirtine.

Navbirî ji bilî karê nîgarkêşî, ji sala 2003ê ve dest bi çêkirina enîmeyşinê kiriye û heta niha 10 kurtefîlmên enîmeyşinî çê kirine. Herwiha yekemîn rêzefîlma enîmeyşinî ya Kurdî ya 459 xulekan a bi navê “Saro” çê kiriye û niha li ser pirojeyek enîmeyşinî li ser jiyana hunermendê mezin ê Kurd “Seyîd Elî Esxerî Kurdistanî” dixebite.

KURDŞOP
95 Dîtin

Serkeftina Amedsporê pîroz be

Tîma topa pê ya Amed Spora Bakurê Kurdistanê ger ji aliyê şovênîzmên desthilata zordar ve rastî dijayetîkirinê hatiye û dijayetiya wê tê kirin, lê bi kêfxweşî ve heta niha kariye berdewam rêya serkeftinê bo aliyê lûtkeyê bipîve û niha bûye nûnerê dengê Kurdistaniyên her çar parçeyên Kurdistanê di qada werzişê de.

Pîrozbahî  bi boneya serkeftina Kurdan bi ser faşîzmê li Bakûrê Kurdistanê

Di van rojên borî de neteweya Kurd li Bakurê Kurdistanê du serkeftinên mezin tomar kir. Ya yekem serkeftina Partiya Kurdistanî (Dem Partî) di hilbijartinên şaredariyan de û bidestveanîna desthilata 85 şaredariyan û bi taybetî şaredariyên 11 bajarên mezin ên Bakurê Kurdistanê bû.

“Xelata Nê” xelateke nîştimanî

 Xelateke salane ji aliyê raya giştî ya xelkê gundê mezin ê “Nê” yê ser bi Merîwanê ve hatiye diyarîkirin ku biryar e ji îsal ve bi kesên hilkeftî yên warên cuda li devera Merîwanê bê bexşîn.

Sêyemîn salvegera damezrandina Kurdşopê pîroz be

Kurdşopê di sê salên xebata xwe de hewl daye bibe deng û rengê hemû Kurdan li seranserê Kurdistanê û bê cudahî li hemû beşên Kurdistanê binêre û dîrok, erdnîgarî, huner, ziman, wêje, çand û kelepûra navçeyên cuda yên Kurdistanê bi xelkê Kurdistanê bide nasandin.

Cejna Newrozê û sersala nû ya Kurdî pîroz be

Cejna Newrozê ji bo netewa Kurd cejna tekezîkirin e li ser mafên xwe yên rewa û bi bîranîna dîrokek dirêj e bo xebat û têkoşîna bo azadî û rizgariyê û agirê geş yê Newrozê ku ji aliyê netewa Kurd ve tê pêxistin, sembola hêviya paşerojeke geş bo netewe û nîştimana me ye.

Kombûnek bo sînemaya Kurdî li Merîwanê

Encumena Çandî-wêjeyî ya Merîwanê bi hevkariya Sînema Kurdistan, kombûnek bo sînemaya Kurdî û pêşandana sê fîlmên nû yên sê derhênerên Merîwanê bi rê ve bir.

Bi hevre ber bi Newroza Meşxelên Rizgariyê

Em daxwazê ji Kurdistaniyan dikin ku di êvareya Newrozê de bi hilgirtina meşxelan yekîtiya xwe nîşan bidin û Newroza îsal jî wekî “Newroza Meşxlên Rizgariyê” bi nav bikin û di çarçoveyek hêmayîn de îradeya xwe nîşan bidin.

Raporek li ser 18emîn Festîvala Navnetewî ya Şanoya Kurdî ya Seqizê

Festîvala Şanoya Kurdî ya Seqizê dê çar rojan berdewam bike û hemû şanoyên ku beşdarî festîvalê dibin bi zimanê Kurdî ne û her derhênerek tenê bi yek şanoyê beşdar dibe. Herwisa biryar e roja Pêncşemî 22ê Şibatê, rêûresma bidawîhatina vê festîvalê bi rê ve biçe û di beşên cur bi cur de komên yekem û serketî bêne eşkerekirin.

Tu dixwazî agehdarê dûmahîk babet û nûçeyên me bibî?
Ji kerema xwe biryar bide!