Zara Elî

Beşa  yekem a vê goatrê li vir bixwînin

Qonaxên fêrbûna madeyên hişbir:

Di pir rewşan de, narkotîk pir caran di jiyana mirov de bi qonaxan pêk tê, û reaksiyonên laş di qonaxên destpêkê yên narkotîkê de ji yên ku di qonaxên dawîn de çêdibin cûda dibin.

1-Tecrube:

Qonaxa yekem a narkotîkê jê re qonaxa ceribandin an jî meraqê tê gotin.Di vê qonaxê de mirov ji ber meraqê yekem car madeyê diceribîne. Her mirov kî be bila bibe, di her kêliyê de rastî vê qonaxê tê. jiyana wî, û hay ji giringiya sedemên ketina nav madeyên hişber heye, lê rapor hene ku diyar dikin ku piraniya wan kesên ku madeyên hişber ceribandine, wan beriya hejdeh saliya xwe ji ber meraqê dest pê kirine. Du sedemên herî gelemperî ku ciwan hewl didin madeyên hişbir biceribînin meraq û zexta hevalan e, pêşniyara hevaltiyê an jî ceribandina bi wan re li ser vê rêyê pêşkêşî narkotîkê dikin.

Girîng e ku were zanîn ku heke kesek di wê nuqteyê de madeyek an narkotîkek taybetî ceribandibe, ev nayê vê wateyê ku ew ê hewce bike ku bi berdewamî narkotîkê bikar bîne. Di gelek rewşan de, mirov vê madeyê bikar tine bi mebesta meraqdariyê û li wir jî radiweste.

2- Bikaranîna birêkûpêk:

Di wê qonaxê de, mirov berdewam bi kar tîne û dem bi dem û bi awayekî rêkûpêk bikar tine heta ku dibe adetek dûbare ji jiyana wî. Ev yek ne şert e ku rojane, lê ew sîstemekî ji bo vê yekê ji xwe re saz dike. Mînak, mirov vê madeyê bêhtir di dawiya hefteyê de, an dema ku bêhnteng dike, an bi hevalan re an jî dema ku bi tenê dimîne bikar tîne. Tevî rûdana van nîşaneyan, ew hîn negihaye sînorê bikaranîna narkotîkê, lê dibe ku ew çend caran jê qut bibe û lê bifikire,  ji ber ku hişê wî dest pê dike ku pê ve girêdayî be.

3-Bikaranîna xeternak:

Mirov di qonaxa sêyemîn de bi rêkûpêk bikar tîne heta ku bandora neyînî li ser malbat û jiyana wî ya pîşeyî zêde dide. Pirsgirêk êdî çêdibin, lê bêyî eşkerekirina bikaranînê. Êdî paşguhkirin çi li dibistanl û çi jî di nava kar de bi awayekî eşkere rû dide û dibe ku bi zor û zehmetiyên darayî re rû bi rû bimîne. Her çendî ew di vê qonaxê de çi diqewime nizane jî, lê çavdêriya wî ya li ser tevgerê di nav derdorên wî de pêş dikeve.

4- Qebûlkirin:

Di qonaxa çaremîn a narkotîkê de êdî vexwarina madeyan wekî ji xwe ber nayê hesibandin, lê êdî bi awayekî cidî dibe xemxurê bikaranîna narkotîkê. Ger ji nişkêve dev jê berde, laşê wî êdî nîşaneyên vekişandinê nas dike. Ev qonax jî êdî dibe qonaxeke ji êşkişandin û zehmetiyan û her wiha nîşaneyên xeternak xûya dibe û gelek caran jî bikaranîna berdewam a vê madeyê wekî çareseriya dermankirinê ji xwe re dibîne. Di vê qonaxê de, ew ê wisa hîs bike ku ger narkotîkê nekşîne nikare jiyanê berdewam bike.

4- Krîz û dermankirin:

Qonaxa dawîn a narkotîkê xala ketina azad di jiyana kesê bikarhêner de ye. Narkotîk êdî di jiyanê wî de dibe xelata herî zêrîn û di asteke herî jor a bikaraînê de ye ku êdî nikare kontrola xwe zeft bike. Her wiha ne tenê xetereyê li derdorê çêdike, lê berê eziyetê jî dighîne derdorê.

Ev qonax dikare wekî qonaxa krîzê were binavkirin, ji ber ku di vê qonaxê de narkotîk zêdetir di bin xetera nexweşiya zêde ya kujer de ye, helbet her çend ev senaryoya herî xirab ji bo vê qonaxê tê hesibandin, lê dibe ku alternatîfek erênî jî çêbibe.

An bi serê xwe an jî di encama krîzê de, ew pê dihese ku hewcedariya wî bi alîkariyê heye û dest bi dermankirinê dike, û ji ber vê yekê ev qonax dikare dawiya narkotîkê wî nîşan bide.