Şadî
Kurdshop - Navenda Hilberîna otomobîlan ya Amerîkî Alef ragehand ku wesayîta wê ya Model A, ku hem li bejahî hem jî li hewa wê bikaribe bifire, ji aliyê Rêveberiya Hewayî ya Federal a Dewletên Yekbûyî yên Amerîkayê (DYA) re hatiye pejirandin.
Navenda hilberîna otomobîlan a Amerîkî Alef ragehand ku wan ji bo wesayîta bi navê model A ku hem bejahî hem jî hewa ve dê bikaribe hereket bike ji Rêveberiya Hewayî ya Federal a Amerîkayê (FAA) destûr wegirtiye.
Kompanya Alef Aeronautîcs ku navenda wê li Calîfornia ye, diyar kir ku wesayîta wê ya model A ya bi temamî elektrîkî û xwedî 2 kursiyan dikare pêşî li bûyerên hatûçûnê bigre.
Li gorî nûçeya NTV'yê hat ragehandin; Şîrketê ragihand ku bi wergirtina Belgeya Hewayî ya Taybet a sînorkirî ya FAAyê testa Model A jî bi serkeftî temam bûye.
Alef Li gel van, ji sala 2019’an û vir de tevahî cureyên Model A ên serekî ve diceribîne û vê nûçe ji bo wesayîtên ku difirin weke gaveke mezin dinirxîne.
CEO an jî rêveberê Alef'ê Jîm Dukhovny diyar kir ku Model A bi temamî elektrîk e û dikare li rêyên giştî rêwîtiyê bike û diyar kir ku wesayîta bi kapasîteya rabûn û daketinê ya bi rasterast ber bi jor ve bikare rabe hatiye çêkirin.
Lê belê Dukhovny anî ziman ku belgeya taybet a ku wan wergirtiye hîn bi sînordare û diyar dike ku cihên ku ev wesayît bikaribe lê bifire hatine diyar kirin.
Alef ragihand, modela A bi 298 hezar 520 dolarî ji bo firotinê tê pêşkêş kirin û diyar kir ku teslîmat wê di sala 2025'an de dest pê bike.
