Dager

Veger. Hatina ber bi jêr.

Wanyar

Xwendewar.

Zeynel

Erdê ku neft hebe. Gundek e li berê Mawet li Başûrê Kurdistanê.

Yarsa

Navê ayînzaya Ehlê Heq e ku di koka xwe de yarsan e bi wateya yarê sultan. Yarê yezdan.

Rûgul

Rûyê ku wek gulê be. Rûmetê (dêmê) wê wek gulê be.

Xoybûn

Maneya wê serbixweyî, xweserî û "serxwebûn" e. Dema partiya Xoybûnê li Sûriyê hate avakirin, hinek Kurdên soranîaxêv jî amade bûn. Loma bi vî awayî navê partiyê hate danîn, jiber ku "xo" bi devoka soranî heman “xwe” ya devoka kurmancî ye. Komeleya Xoybûnê li sala 1927an li “Bihemdune” bi alîkariya Ermenan û di mala “Vahan Papazyan” de hatiye damezirandin.

Şewêr

Hişyar û li ser hest. Hestiyar.

Xoşîk

Çiyayek e li rexê çiyayê Bemo, ku kaniyeke xweş jî li wir e bi navê Qeman.

Takane

Taqane. Yekane. Tenê zaroka dê û bav.

Wêsar

Qahîm. Xweragir.